Уй шароитида грипни даволаш

Уретрит – сийдик йўллари шамоллаши, белгилари ва даволаш

Уй шароитида грипни даволаш

Уретрит – сийдик йўллари шамоллаши инфекцияли яллиғланиш касаллигидир. Бу йуллар умумий қилиб олганда 2 га бўлинади , биринчи қисми орқали буйракларда хосил бўлган сийдик қовуқда тўпланади. Иккинчи қисм орқали эса сийдик қовуқдан ташқарига чиқарилиб юборилади.

Шуни таъкидлаш керакки сийдик-таносил аъзолари, айниқса, сийдик чиқариш йўллари организмга кирадиган инфекциялар учун энг катта дарвозалардан бири хисобланади.

Бу аъзолардаги патологик жараёнлар, вақтида чора кўрилмаса ривожланиб юқорига кўтарилиши ва ҳаётий муҳим аъзоларни шикастлашиши мумкин.

Уретрит касаллиги ривожланиш сабаблари

Уретритнинг икки хили учрайди: махсус (жинсий йўл билан ўтадиган касаллик сабабли) ва номахсус уретрит. Хасталик ривожланиш сабаблари турлича бўлиши мумкин, лекин кўпинча касаликка бактерияли инфекция сабаб бўлади. Зарарли микроорганизмлар фаолияти туфайли сийдик йўллари шамоллаши кузатилади. Касаллик сабабига боғлиқ равишда қуйидагилар ажратиб кўрсатилади:

  • Юқумли касалликнинг муайян қўзғатувчиси (гарднереллез, генитал герпес, сўзак, кандидоз, микоплазмоз, трихомониаз, хламидиоз)
  • “Одатдаги” микроорганизмлар (бактериал касаллик)
  • Сийдик чиқариш йўли шикастланиши(жароҳатли уретрит)
  • Озуқа ва дори аллергенлари таъсири (аллергик уретрит)
  • Моддалар алмашинуви бузилиши (фосфатурия, оксалатурия, қандли диабет)

Касаллик белги ва аломатлари

Уретрит белгилари анча ёрқин намоён бўлади. Бу белгилар кўпинча пешоб чиқариш вақтида кучли оғриқ ва сийдик билан чиқадиган қуюқ ажратмалар кўринишида бўлади.

  • Ўткир уретритда пешоб чиқиши вақтида, сийдик йўлининг ташқи тешигида жизиллаган оғриқ туради.
  • Текширилганда пешоб чиқиш йўлининг ташқи тешиги атрофида шиллиқ парданинг қизаргани ва шишганини кўриш мумкин, йиринг ёки шиллиқ йиринг оқиб турган бўлади
  • Гоҳо шу йиринг фақат эрталаблари пешоб чиқариш йўли ташқи тешигини елимлаб турган қобиқ кўринишида кўзга ташланади. Пешоб одатда тиниқ бўлиб, якка-якка йиринг иплари кўринади

Чўзилиб кетган уретритда шамоллаш уретранинг орқа бўлимига ва қовуқ бўйинчасига тарқалади (ялпи уретрит).

  • Ўткир ялпи уретритда пешоб тез-тез қистайди, охирида оғриқ туради, пешобда йиринг (пиурия) ва қон (гематурия) пайдо бўлади.
  • Самарали муолажа қилинмаса, уретрит сурункали касалликка айланиб кетиши мумкин

Юқорида айтилганидек вақтида чора кўрилмаса касаллик жиддий муоммоларга олиб келиши мумкин. Уретритнинг энг хавфли асоратлари:

  • Пешоб чиқиш йўлининг битиб қолиши ёки торайиши
  • Йирингли простатит
  • Орхоэпидидимит, яъни мояк ва унинг ортиғини яллиғланиши

Шифокорга қачон мурожаат қилиш керак? Уретрит аломатлари сезилиши билан шифокор уролог кўригидан ўтиш керак.

Сийдик йўллари шамоллашини даволаш

Уретритнинг ҳар қандай ҳолида жинсий йўл билан ўтадиган касалликларни тахлил ёрдамида истисно этиш зарур (трихомониаз, хламидиоз, сўзак ва ҳоказо).
Ташхис умумий кўрик маълумотларига, пешоб чиқувчи йўл ажратмаси ёки уретрит шиллиғининг бактериологик ва бактериоскопик текшируви ўтказилишига асосланади. Кўрсаткичлар бўйича уретроскопия бажарилади.

Сийдик йўлларини даволаш одатда амбулатория тартибида (уй шароитида) олиб борилади. Дорилар касаллик этиологиясига боғлиқ равишда танланади.

 Номахсус уретритда шифокорлар парҳезга риоя қилишни тавсия этадилар, пешоб чиқиш йўлини антибактериал препаратлар билан ювадилар, ичиладиган антибиотиклар тайинлайдилар.

Махсус уретрит муолажасида антибактериал дорилар билан даволаш остида қўшимча равишда иммуномодуляторларни қўллайдилар, уларни танлаш бактериологик тахлилларга боғлиқ. Сурункали уретритда фитопреператлар, яъни шифобахш гиёҳлардан таййорланган дорилар самаралироқдир.

Парҳез. Тўқ тутувчи овқатлар тавсия этилади.

Пешоб йўлларини безовта қиладиган маҳсулотлар истисно этилади, уларга: эфир мойи ва ёки шовул кислотасига бой сабзавотлардан пиёз, саримсоқпиёз, шолғом, турп, беҳи, исмалоқ, шовул киради.

Юрак-томир тизими ва буйрак томонидан акс кўрсатмалар бўлмаса пешоб йўлларини ювиш учун кўп суюқлик ичиш керак (кунда камида 2 л): чой, маъданли сув, шарбатлар, морслар ва ҳоказо.

Жарроҳлик муолажаси. Пешоб чиқиш йўли стриктураси (торайиши) ривожланганда найча суқиш ёки пластик жарроҳлиги усули бажарилади. Йирингли простатит ривожланганда (простата бези) абсцесслари (йиринглари) очилади ва тозаланади.

Уретритни даволаш учун табиий воситалар

Сийдик йулларини даволаш учун қуйидаги воситалардан фойдаланиш мумкин. Қуйидаги рецептлардан фойдаланишдан олдин шифокор билан маслаҳатлашинг.

Қайин япроғи, луб гиёҳи, қизилмия илдизпояси, арчагул япроғи – тенг миқдорда олиниб аралаштирилади. Унинг 10 гр ни 300 мл қайнатилган сувга солиб, сув ҳаммомида 10 дақиқа иситилади, термосда 2 соат тиндирилади, сузилади. Илиқ ҳолда оз-оздан, ярим стакандан кунда 3 маҳал овқатдан 1 соат олдин ичилади.

Маймунжон меваси, петрушка илдизи, салинчўп гиёҳи, дастарбош гиёҳи – тенг миқдорда аралаштирилади ва туйилади. 10 гр туйилган тўпламдан 250 мл қайнатилган сувга солиб, 5 дақиқа қайнатилади. Сўнгра иссиқда 2 соат дамланиб, сузилади. Ярим стакандан кунда 4 маҳал илиқ ҳолда овқатдан кейин ичилади.

Бўтакўз гули, грушанка гиёҳи, қичитқиўт гиёҳи – тенг миқдорда олиниб, 8 гр ни 250 мл қайнатилган сувга солинади. Термосда 4 соат дамланиб, сузилади. 1/4 – 1/2 стакандан кунда 3–4 маҳал овқатдан 30 дақиқа олдин ичилади.

[Total: 19 Average: 3.6]

Источник: https://medlife.uz/buyrak-siydik-yollari/uretrit-siydik-yollari/

Gripp — alomatlari, shakllari, sabablari, tashxislash, davolash va oldini olish

Уй шароитида грипни даволаш

Gripp — virus tabiatli o’tkir infektsion respirator (nafas yo’llari) kasalligidir. Gripp virusi juda yuqumli — ya’ni, uning ko’p hollarda inson tanasiga kirishi kasallikning rivojlanishiga olib keladi. Kasallik tana haroratining ko’tarilishi bilan birga kechadi va ko’pincha 3-5 kundan umumiy holat yaxshilanadi.

Grippning alomatlari va belgilari

Intoksikatsiya natijasida hosil bo’ladigan gripp alomatlariga:

  • Juda tez (3-4 soat davomida) intoksikatsiya belgilarining o’sishi:
  • Tana haroratining ko’tarilishi — 39°C va yuqori;
  • Kuchli titroq;
  • Holsizlik;
  • Mushaklar va bo’g’imlardagi og’riq;
  • Qattiq bosh og’rig’i
  • Ko’zning yoshlanishi;
  • Yorug’likka sezuvchanlik.

Intoksikatsiya bilan birga parallel ravishda respirator alomatlar kuzatiladi:

  • Tomoq og’rishi;
  • Quruq yo’tal;
  • Burun oqishi.

Ba’zida qorin og’rig’i va ich ketishi kuzatiladi. Grippda yuqori tana harorati bir necha kungacha davom etishi mumkin, ko’pincha isitma tushiruvchi dorilar ta’siri natijasida pasaymaydi. Kasallik asoratlarsiz bo’lsa gripp 7-10 kun davom etadi. Bu vaqt davomida gripp alomatlari asta-sekin yo’q bo’lib ketishi mumkin, ammo umumiy holsizlik ikki haftagacha davom etishi mumkin.

Grippning shakllari

Grippning boshqa o’tkir respirator virusli infektsiyalar kabi yengil, o’rta, og’ir va juda og’ir shakllari bo’lishi mumkin. Bundan tashqari, kasallikning asoratlarsiz va asoratli shakllari farqlanadi.

Gripp rivojlanishi sabablari

Kasallikning yuzaga kelishi sabablari yuqori nafas olish yo’llari shilliq qavatini gripp viruslari tomonidan shikastlanishidir. Infektsiya (kasallik) manbai gripp bilan kasallangan odam.

Kasallik yuqishining asosiy yo’nalishi havo-tomchi yo’llari: yo’talish, aksa urish, gapirish va hatto oddiy nafas olish. Lekin virus maishiy yo’l bilan yuqishi mumkin — ro’molcha, taomlar, choyshab orqali.

Gripp virusi juda yuqumli.

Grippni tashxislash va aniqlash

Grippni tashxislash odatda klinik ko’rikka asoslangan. Haroratning keskin ko’tarilishida imkon qadar tezroq shifokorga murojat qilish kerak. Gripp bo’lganda shifokorning nazorati juda muhimdir, chunki bu mumkin bo’lgan bakterial asoratlarning boshlanishini o’z vaqtida aniqlash imkonini beradi.

Asoratlarning paydo bo’lishi haroratning qayta ko’tarilishi, yo’talning kuchayishi va umumiy holatning biroz yaxshilangandan keyin yana yomonlashishi kabi belgilar bilan namoyon bo’ladi va odatda kasallikning 4-5 kuniga to’gri keladi.

Bu holatda qo’shimcha tahlillarni o’tkazish kerak — umumiy qon tahlili, ko’krak qafasi va sinuslar rentgenogrammasi.

Grippni davolash va kasallikni yengillashtirish

Grippni davolash kompleks muolajalarni talab qiladi, lekin gripp bilan kurashishda va organizmning tiklanishida immun tizim katta rol o’ynaydi va shuning uchun immunitetni rag’batlantirish chora-tadbirlarini qabul qilish zarur.

To’liq dam olish, ko’p suyuqlik ichish (detoksikatsiya qilish uchun), spirtli ichimliklar va chekishni cheklash tavsiya etiladi. Ayni paytda samarali antivirus dorilar grippning davomiyligini, isitma va boshqa alomatlarini sezilarli darajada kamaytiradi.

Boshqa qo’llanadigan dori vositalariga:

  • Simptomatik davolovchi preparatlar (isitmani tushiruvchi, balg’am ko’chiruvchi);
  • Immunostimulyatorlar — bunday xususiyatlar ayniqsa vitamin C da ko’p;
  • Interferon;
  • Kasallikning turli bosqichlarida virusga qarshi preparatlar;
  • Antigistaminlar.

Antibiotiklar faqat ikkilamchi bakterial kasalliklar mavjud bo’lgandagina buyuriladi, ular viruslarga qarshi umuman samara bermaydi, lekin ko’pincha xalq orasida shamollash yoki gripp almatlari kuzatilganda shifokor ko’rsatmasisiz antibiotiklarni qabul qilish keng tarqalgan. Antibiotiklarni viruslarga qarshi qabul qilish nafaqat samara bermaydi, balki bakteriyalarning antibiotiklarga qarshiligini oshiradi.

Grippning asoratlari

Gripp virusi nafas yo’llari epitelial hujayralariga ta’sir qilganligi bois kasallikning asoratlari natijasida bakterial kasalliklar, jumladan bronxit, pnevmoniya, otit, gaymorit yoki boshqa sinus yallig’lanishlariga olib kelishi ehtimoli bor. Jiddiy bakterial asoratlarga — meningit, miya qobig’ining yallig’lanishi misol bo’la oladi. Gripp, shuningdek, bemorda mavjud surunkali kasalliklarni kuchaytirishi mumkin.

Grippni oldini olish va profilaktik choralarni qo’llash

Grippning oldini olishning uchun eng samarali yo’li — o’z immun tizimini butun yil davomida yaxshi holatda saqlash hisoblanadi. Immunitetni mustahkamlashning turli yo’llari bor, bular o’z ichiga oladi:

  • Tanani chiniqtirish;
  • Faol hayot tarzi;
  • To’g’ri va muvozanatli oziqlanish;

Boshqa asosiy tibbiy usul bu emlash bo’ladi. Vaktsinatsiya gripp mavsumi boshlanishidan 2-3 oy oldin (odatda oktyabr-noyabr oylarida) virus muayyan turiga (shtamm) qilinadi. Vaksinatsiya qancha ko’p virus shtammlariga qarshi bo’lsa va qanchalik ko’p kishiga qilinsa, shuncha samarali hisoblanadi.

Bunday holda, bu aholining katta ijtimoiy guruhlarini himoya qilishga imkon beradi. Shuningdek, epidemiya davrlarida profilaktik chora-tadbir tarzida antivirus preparatlardan foydalanish tavsiya etiladi.

Gigiyena qoidalariga rioya qilish, kasallangan odamlardan yiroq yurish, maxsus niqoblar taqish, oila a’zolari kasallanganda tozalikka e’tibor qilish va xonani tez-tez shamollatish kasallanish ehtimolini kamaytiradi

Источник: https://mymedic.uz/kasalliklar/virusli/gripp/

Grippni davolash uchun qo‘shimcha tabiiy muolajalar — Avitsenna.uz

Уй шароитида грипни даволаш

Gripp ayni kuz-qish faslida keng tarqaladigan, havo-tomchi yo‘li bilan yuqadigan o‘tkir virusli kasallik bo‘lib, organizmning umumiy zaharlanishi va nafas yo‘llarining zararlanishi bilan kechadi.

Xastalik virusining A, B va C turlari mavjud. Viruslar tashqi muhitga chidamsiz bo‘lib, quyosh nuri va dezinfeksiyalovchi (zararsizlantiruvchi) moddalar ta’sirida tez nobud bo‘ladi. Lekin past haroratda uzoq vaqt saqlanib qolishi mumkin.

Kasallikning dastlabki kunlarida virus organizmdan ko‘p miqdorda ajraladi. Bemor aksirganda, yo‘talganda va gaplashganda havo zarrachalari va so‘lak tomchilari bilan atrof-muhitga tarqaladi hamda yaqin atrofdagi odamlarga nafas yo‘llari orqali yuqadi. Sog‘lom inson infeksiya yuqtirgan kishiga 1-2 metr yaqinlikda bo‘lganda kasallik yuqish xavfi ortadi.

Aholi zichligi grippning tarqalishini osonlashtiradi. Kasallikdan keyin hosil bo‘ladigan immunitet bir necha yillar, hatto umr bo‘yi saqlanishi mumkin. Alohida ta’kidlash lozim, bu immunitet aynan shu kasallik turiga nisbatan yuzaga chiqadi. Bir mavsumda bir necha marta gripp bilan kasallanish insonning boshqa virus shtammlari yuqtirganligini bildiradi.

Bunday holat, asosan, immuniteti past va nimjon bolalarda ko‘proq kuzatiladi.

Gripp haqida ushbu link orqali batafsil ma’lumot olishingiz mumkin.

Grippda, asosan, asab tizimi va qon tomirlari zararlanadi.

Bundan tashqari, angina (bodomcha bezlarining yallig‘lanishi), quloqning yallig‘lanishi (otit), yurak mushaklarining zararlanishi (miokardit), buyrakning yallig‘lanishi (piyelonefrit), miya pardasining yallig‘lanishi — meningit va o‘pkaning yallig‘lanishi (pnevmoniya) kabi asoratlarga sabab bo‘ladi. Kasallikning kam uchraydigan, lekin juda og‘ir kechadigan asoratlaridan biri bosh miya to‘qimasining yallig‘lanishi — ensefalitdir.

Kasallik, ayniqsa, 1 yoshgacha bo‘lgan bolalar va keksa yoshdagi kishilarda og‘ir kechadi hamda turli asoratlar qoldiradi. Bunga asosiy sabab bolalarda immunitetning to‘liq shakllanmaganligi bo‘lsa, keksa yoshdagi kishilarda mavjud surunkali kasalliklarning qo‘zg‘ashidir.

Grippni davolash shifokor nazoratida olib boriladi. Yotoq rejimiga rioya qilinadi. Bemorni davolashda maxsus parhez tayinlanmaydi. Lekin ishtahaning pasayganligini e’tiborga olgan holda, odatda, ko‘proq suyuq taomlar buyuriladi.

Yana turli suyuqliklarni ichish tavsiya qilinadi. Limon, malina va turli murabbolar solingan choylar, asal qo‘shilgan choy, xonadonda tayyorlangan sharbatlar iliq va issiq holda tez-tez ichib turilishi maqsadga muvofiq.

Shuningdek, iliq holda gazsiz mineral va qaynatilgan suv ham ichib turish zarur.

Ushbu maqolani ham o‘qing:  Asal -xalq tabobati durdonasi

Ko‘p hollarda grippga chalingan bemorlarimiz kasallik alomatlari kuzatila boshlagan bo‘lsada, «o‘tib ketadi« qabilida ish tutib, shifokorga murojaat qilishmaydi va aksariyat hollarda kasallikni oyoqda o‘tkazadilar.

Bu bir tomondan atrofdagilar uchun infeksiya yuqish xavfini oshirsa, ikkinchi tomondan kasallikning zo‘rayishi va turli asoratlar qoldirishiga imkon yaratadi.

Vaholanki, kasallikning boshlanishidayoq yotoq rejimiga rioya qilgan holda o‘z vaqtida davo muolajalari o‘tkazilsa, bemor tezda tuzalib ketadi.

Grippda foydali mahsulotlar

  • Tovuq sho‘rva: yallig‘lanish va burun tiqilishiga olib keluvchi hujayra-neytrofillar rivojlanishiga yo‘l qo‘ymaydi;
  • sarimsoq: tarkibida bakteriya, zamburug‘ va viruslarni o‘ldiruvchi allitsin moddasi mavjud;
  • ziravorlar (zanjabil, dolchin, xantal, kashnich): qon tomirlarining torayishiga olib keluvchi tana harorati yuqori bo‘lganda yaxshi naf beruvchi terlashni kuchaytiradi va nafas olish hamda yutinishni yengillashtiradi;
  • tarkibida rux moddasi bo‘lgan mahsulotlar (go‘sht, tuxum, dengiz mahsulotlari, yong‘oqlar);
  • tarkibida beta-karotin moddasi, foliy kislotasi, magniy (masalan, qovun, ismaloq, o‘rik, lavlagi, gulkaram, sarsabil, sabzi, mango, mandarin, pomidor, qovoq, pushti greyfrut, shaftoli, tarvuz, kivi) yuqori darajada bo‘lgan meva va sabzavotlar;
  • C vitaminiga boy mahsulotlar (papayya, sitrus mevalar, apelsin sharbati, sariq yoki qizil garmdori, qulupnay, pomidor va batat);
  • E vitaminiga boy mahsulotlar (makkajo‘xori moyi, bodom, baliq moyi, dengiz qisqichbaqasi, o‘rmon yong‘og‘i, maxsar moyi, yong‘oq moyi, kungaboqar urug‘i va losos balig‘i go‘shti);
  • tarkibida flavonoidlar bo‘lgan malina sharbati, limonlar, ko‘k garmdori, olcha va uzum;
  • bioflavonoidlarning yuqori konsentratsiyalangan shakli — kversetinli mahsulotlar (brokkoli, qizil va sariq piyoz).

Taxminiy taomnoma

  • Nonushta: sutda pishirilgan manniy bo‘tqasi, limonli ko‘k choy.
  • Ikkinchi nonushta: bir dona ilitilgan tuxum, na’matak qaynatmasi.
  • Tushlik: go‘shtli sho‘rvada sabzavotli sup-pyure, bug‘da pishirilgan dumaloq kotletlar, guruch bo‘tqasi, kompot.
  • Tamaddi: asal solib pishirilgan olma.
  • Kechki ovqat: bug‘da pishirilgan baliq, kartoshka pyuresi, meva sharbati.
  • Uyquga yotishdan avval: kefir yoki sutdan tayyorlangan boshqa nordon ichimliklar.

Ushbu maqolani ham o‘qing:  Qovoq urug‘i foydalari

Grippda qo‘llaniladigan xalqona usullar

  • piyoz va sarimsoq bug‘i (piyoz va 2 3 dona sarimsoq tishchasini qirg‘ichdan chiqarib, undan bir necha marotaba chuqur nafas olish) — kuniga 2 4 marta;
  • quritilgan malina mevalaridan tayyorlangan damlama (1 osh qoshiq quritilgan malina mevasiga 1 stakan qaynagan suv quyiladi va 20 daqiqa dam yediriladi) — kuniga 2 mahal 250 ml dan ichiladi;
  • jo‘ka (lipa) daraxti gullari va quritilgan malina mevasi aralashmasi (1 osh qolshiq aralashmaga 1 stakan qaynoq suv quyiladi va 20 daqiqa dam yediriladi) — kuniga 2 mahal 250 ml dan ichiladi.

Grippni davolashda Abu Ali ibn Sino kitoblarida keltirilgan tabiiy usullar haqida ushbu link orqali batafsil ma’lumot oling.

Ko‘za sho‘rva

Masalliqlar: 500 g go‘sht, 2 ta piyoz, 3 ta kartoshka, 1 ta sabzi, 1-2 dona pomidor, 1 tadan qizil va ko‘k bulg‘or qalampiri, 5-6 ta sarimsoq tishchasi, ta’bga yarasha tuz, ziravorlar va ko‘katlar.

Avvalo, oldindan tayyorlab qo‘yilgan ko‘zalarga yuvib, tozalangan va bo‘laklangan go‘sht, sabzi, kartoshka, pomidor, piyoz, sarimsoq piyoz, bulg‘or qalampirlari, ko‘katlarni navbati bilan joylashtiramiz. So‘ng ta’bga yarasha tuz va ziravorlar solib, ustidan masalliqlarni ko‘madigan darajada suv solamiz.

Hamma ishni yakunlab olgach, ko‘zalarni oldindan qizdirilgan gaz pechiga joylashtiramiz. Ko‘zalardagi sho‘rva suvi qaynab chiqishi bilan olovni o‘rta darajada pasaytirib qo‘yamiz. Ammo ko‘za sho‘rvani pishirish jarayonida ko‘zadagi suv miqdori kamayib ketmasligi kerak.

Sho‘rva go‘shtning qattiq yoki yumshoqligiga qarab 1, 5-2 soatda tayyor bo‘ladi.

Gulkaramli sho‘rva

Masalliqlar: 1 bosh gulkaram, 500 g go‘sht, 1 bosh piyoz, 2 ta sabzi, 3 ta kartoshka, ta’bga yarasha tuz, ziravorlar, ko‘k piyoz va kashnich.

Mol yoki qo‘y go‘shtining yog‘liroq joyi hamda suyaklarini ajratib olamiz va yuvib-tozalab, olovga qo‘yilgan suvli qozonga solamiz. Sho‘rva suvi qaynab chiqqach, ko‘piklarini olib, olovni biroz pasaytiramiz va to‘g‘ralgan piyozlarni qo‘shib, qaynatishda davom etamiz.

So‘ng oldindan tayyorlab qo‘yilgan sabzi bo‘laklarini solamiz. 5-7 daqiqadan keyin esa gul bandlaridan ajratilgan gulkaram va bo‘laklangan kartoshka solib, olovni pasaytiramiz. Shu holatda 20 daqiqa davomida miltiratib qaynatamiz.

So‘ngra tayyor taomni kosalarga suzib, betiga kashnich va ko‘k piyoz sepilgan holda dasturxonga tortamiz.

Ushbu maqolani ham o‘qing:  Gripp asoratlari xavfli

Guruchli tovuq sho‘rva

Masalliqlar: 1 ta tovuq, 1 piyola guruch, 1 bosh piyoz, 3-4 ta sarimsoq tishchasi, ta’bga yarasha tuz, ziravor va ko‘katlar.

Tozalab yuvib, bo‘laklangan tovuq go‘shtini suv to‘ldirilgan qozonga solib qaynatamiz. Qaynab chiqqanidan so‘ng ko‘pigini olib tashlab, olovni osh damlanadigan darajada pasaytiramiz va qozon qopqog‘ini yarim yopiq holatga keltirib qo‘yamiz. Sho‘rva shu holatda 3 soat qaynaydi.

Bunday sho‘rvaning guruchini qozonda alohida pishirib olamiz.

Buning uchun olovga qo‘yilgan qozon biroz qizigach, 2 osh qoshiq o‘simlik moyi solib, ustidan yuvilgan guruch solamiz va yengilgina qovurib, ta’bga yarasha tuz va guruch botadigan darajada suv quyamiz.

Guruch suvini tortgach, olovni pasaytirib, xuddi osh kabi damlab qo‘yamiz. Bu orada piyoz va ko‘katlarni mayda qilib to‘g‘rab, sarimsoqni yanchib olamiz.

Yanchilgan kashnich urug‘i, qizil qalampir, tuz, xitoy tuzi, kunjut va guruchni alohida idishlarda dasturxonga qo‘yamiz. Kosalarga ma’lum miqdorda tovuq go‘shti va sho‘rva solib, dasturxonga tortamiz. Tanovul qilishdan oldin istagan odam ko‘kat va ziravorlarni o‘z ta’biga qarab solaveradi.

Yoqimli ishtaha! Sizga salomatlik tilaymiz!

© «Hordiq plyus» gazetasi.

Foydali maqolalarni Telegram kanalimizda kuzatib boring!

loading…

Источник: https://avitsenna.uz/grippni-davolash/

Наш имунитет
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!: